Bloggen til leonvar

NDLA er i vinden som aldri før. Når dei norske forlaga bruker mange ressursar for å kjempe mot oss, betyr det at vi blir tekne på alvor i den norske læremiddelverda. Og det set vi pris på. Det betyr at det arbeidet vi har lagt ned ber frukter. Vi skaper læremiddel som fortener ein plass i skulen. Og planane våre framover viser at vi tek utfordringane med å skape gode digitale læremiddel på alvor.

I januar fekk nokre fylkeskommunar ansvaret for å utvikle digitale læremiddel i seks nye fag. Fag, fylke og ansvarleg redaktør er:

NDLA har i dag 7 fag som kan erstatte læreboka for lærere som ønsker det: Det gjelder Vg1-fagene: Norsk, Naturfag, Samfunnsfag, Matematikk P og T, Engelsk, Kroppsøving og Helse- og sosialfag.

Utdanningskonferansen «Dei gode døma» vart avvikla i Bergen 23. og 24. april 2009. NDLA var godt synleg på konferansen. Både gamle og nye fag vart presenert. Arrangørane hadde gitt NDLA ein sentral plass i dei ulike sesjonane, og det var svært mange lærarar frå Hordaland som fekk eit godt innblikk i NDLA sin fagportefølgje.

Til skulåret 2009 lanserer NDLA sin nye delingsarena. Vi har som mål å skape ein arena der lærar først, og seinare elevar, kan dele opplevingar, erfaringar og gylne stunder frå skulekvardagen.

Innhaldet på delingsarenaen er det brukarane sjølve som skal stå for. Det blir berre å logge seg på , fortrinnsvis med Feide, lage sin eigen profil, og så starte å legge inn stoff. Kva som helst kan bli lagt inn og delt med andre, alt frå undervisningsopplegg og bilete, til animasjonar og videoar frå stupekonkurransar, eller liknande.

Frå hausten 2009 vil NDLA presentere digitale læremiddel i ei rekke nye fag. Fagredaksjonar er oppretta, og utviklingsarbeidet i samfunnsfag, kroppsøving, matematikk, engelsk, elektrofag og restaurant og matfag er godt i gang. Læremidla vil vere tilgjengelege frå skulestart hausten 2009.

I løpet av våren vil vi presentere smakebitar av læremidla på NDLA sine nettsider. Skular som ønskjer informasjon og presentasjon av NDLA, eksisterande og nye læremiddel, kan ta kontakt med NDLA, så ordnar vi med besøk til din skule.